सुर्खेत । मध्यपश्चिम विश्वविद्यालयको तेस्रो दीक्षान्त समारोह शुक्रबार हुने भएको छ । आज पत्रकार सम्मेलन गरि विश्वविद्यालयले उक्त विषयको जानकारी गराएको हो ।
दीक्षान्त समारोहमा विभिन्न तीन वर्षको ब्याजहरुबाट स्नातकोत्तर तहमा सर्वोत्कृष्ट भएका ३ जनाले कुलपति पदक, स्नातक तहमा सर्वोत्कृष्ट भएका ३ जनाले उपकुलपति पदक, सबै ग्य्राजुएट स्कुलहरुबाट स्नातकोत्तर तहका लागि डीन लिष्टमा परेका ११ जना र स्नातक तहबाट १८ जना विद्यार्थीहरु गरी जम्मा ३५ जनाले प्रमाणपत्र सहित पदक पाउने र उक्त दीक्षान्त समारोहमा ग्रेस लिष्टमा रहेका ३८४१ जना विद्यार्थीहरु दीक्षित हुने विश्वविद्यालयका डीन लिलाधर तिवारीले वताए ।
दीक्षान्त समारोहमा कुलपति समेत रहेका प्रधानमन्त्री केपी शर्मा ओली, सहकुलपति एवं शिक्षा, विज्ञान तथा प्रविधि मन्त्री विद्या भट्टराई सहभागी हुने छन् ।
